بوظة ثلج من حبّات العنب

أطيب بديل لبوظة الثلج،، صحيّة ومفيدة للأطفال بالصيفيّة

بعد ما تغسلوا العنب منيح ، بتفرطو حبّاته وتشكّوهم متل شياش اللحمة (شوف الصورة)

بتوضعوهم على صينية عليها ورقة نايلون وبتدخلوهم على الفريزر لمدة ساعتين وهيك بتحصلو على بوظة تلج 100% طبيعيّة من العنب.

لازم تجربوها بالصيفيّة حتى تستمتعوا وبنكهتها وقرشتها تحت سنانكم :) 

ترويقة اليوم: 05/09/2012

حمّص مسلوق مسبّح

منسكب الحمص المسلوق بصحن.  منهرس الثوم مع الملح ومنضيفله عصير الليمون الحامض أو عصير أبو صفير. منسكب  هالخليط فوق الحمص المسلوق ومنمزجه معه منيح. منسكب الزيت والبقدونس المفروم ناعم بأعلى الصحن. منقدّم الحمص مع البصل الأبيض والفجل والبندورة والخيار ملاحظات: - يا انتوا بتسلقوا الحمص أو بتشتروا علبة حمص مسلوق بتغسلوا الحبوب وبتصفّوون - فيكم تهرسوا الحمص بمدقّة الثوم حتى يصير متماسك - فيكم تسغنوا عن الثوم إذا ما بتحبّوا نكهة الثوم الني - لعدم زيادة الوزن تناولوا هالصحن الحمص من دون أي نوع خبز، بس بالملعقة والخضرا عجنب

بعد ما خسرت وزني الزائد بطريقة كتير سهلة، حبّيت اكتب هالمدوّنة حتى اعرض المعلومات والوصفات والإجابة على اسئلتكم حتى إنتوا كمان تبلشوا تغيروا بأسلوب حياتكم حتى يتحوّل لأسلوب حياة متناغم، وما تتركوا مجال للأمراض الشائعة إنها تدق بابكم

خلّي قلبك نظيف

متل ما لاحظتوا إنو عم بكتب عالطريقة اللبنانيّة، فإذا أي كلمة ما فهمتوها بتمنّى تسألوني عنها حتّى وضّحلكم المقصود بالكلمة...

عم بكتب باللبناني

  جرّب :  بوظة ثلج من حبّات العنب